Dhe thuaj: "Veproni, All-llahu do ta shohë veprën tuaj, edhe i dërguari i Tij e besimtarët, e më vonë do të ktheheni te njohësi i të fshehtës dhe të dukshmes, e do t'ju njoftojë për atë që vepruat.

Njё muaj nё fokus- Prill, 2007

   Me datёn 8 prill, ditёn e diel, myftiu Imam Ndriçim Sulejmani i shoqëruar nga njё grup teologёsh dhe imamësh, i përcolli urimet pёr festёn e Pashkёs, pёrfaqёsuesve tё kishës ortodokse dhe asaj katolike nё Shkodёr.

   Me datёn 10 prill, nё Tiranё, myftiu Ndriçim Sulejmani zhvilloi njё takim pune me koordinatorin rajonal tё organizatёs qeveritare turke “TIKA”, z. Erkan Firatli, me tё cilin diskutoi rreth projektit tё rehabilitimit tё xhamisё sё Plumbit, zbukurimit tё xhamisё sё Parrucёs me dizenjimin e mureve tё saj dhe çështjen e vorreve Komane. Nga ana e tij, z. Firatli shprehu gatishmёrinё e tij pёr zbatimin e këtyre projekteve, nё afate tё ndryshme.

   Me datёn 12 prill, ditёn e enjte, myftiu N. Sulejmani, priti nё njё takim kortezie konsullin italian Stefano Marguccio. Gjatё takimit tё ngrohtё, myftiu bёri njё ekspoze tё shkurtër rreth rolit tё myftinisё, Shkodёr, nё forcimin dhe konsolidimin e frymës sё bashkëpunimit dhe bashkёjetesёs nё kryeqendrën e Veriut. Nga ana e tij, konsulli italian, z. Marguccio, shprehu kёnaqёsinё e tij pёr kёtё vizitё dhe uroi myftiun Sulejmani pёr xhaminё e Parrucёs dhe rolin e saj nё shërbim tё besimtarёve muslimanё. Gjatё vizitës sё tij, konsulli italian vizitoi edhe xhaminё e re tё Parrucёs, ku shprehu urimet mё tё mira pёr kёtё vepër madhështore kuli islam, nё qendër tё qytetit.

   Me datёn 12 prill, ditёn e enjte, pas namazit tё iqindisё, u zhvillua ceremonia e madhe e Mevludit Sherifё nё xhaminё e Parrucёs. Nё kёtё ceremoni merrte pjesё myftiu Imam Ndriçim Sulejmani i shoqëruar nga hoxhallarët e vjetёr, teologёt dhe imamёt e xhamive tё qytetit.

Me datёn 14 prill, ditёn e shtune myftiu i  Shkodrёs, organizoi njё koktejl falёnderimi me grupet e punës, qё morën pjesё nё mbarëvajtjen e ceremonisё sё përurimit tё xhamisё sё Parrucёs. Nё fjalёn e rastit, myftiu theksoi rolin e tё rinjve dhe besimtarёve nё përhapjen e frymës sё Thirrjes Islame dhe konsolidimin e harmonisё dhe mbarёsisё nё shoqëri. Myftiu Sulejmani falënderoi kontributin e tyre dhe uroi mbarёsi dhe begati nё jetёn e tyre.

   Me datёn 30 prill, ditёn e hёnё, u zhvillua mbledhja me imamёt e xhamiave tё qytetit. Nё kёtё mbledhje u diskutua rregullorja e brendshme e xhamisё dhe rrugët e perfeksionimit tё jetёs fetare nё xhamiat e qytetit.