Dhe thuaj: "Veproni, All-llahu do ta shohë veprën tuaj, edhe i dërguari i Tij e besimtarët, e më vonë do të ktheheni te njohësi i të fshehtës dhe të dukshmes, e do t'ju njoftojë për atë që vepruat.

Mesazhi i Myftiut Sulejmani për zgjedhjet vendore 2007

Pёrzgjedhjet e ndryshme qё bёn njeriu nё jetё, janë njё e drejtё themelore e tij, me tё cilёn edhe ёshtё krijuar. Njeriu, sa mё i pjekur qё tё jetё, aq mё i matur ёshtё nё përzgjedhjet qё bёn, aq mё tepër nё ato përzgjedhje qё lidhen me jetёn, me tё ardhmen dhe me mirëqenien e tij.

   Erdha sot pёr tё votuar, nё kёtё ditё tё rёndёsishme tё votёs sё lirё e tё ndershme, pёr tё dhёnё mesazhin e angazhimit tonё si besimtarё muslimanё nё respektimin dhe mbrojtjen e tё drejtave njerëzore, siç ёshtё edhe e drejta pёr tё votuar.

   I lutem All-llahut Fuqiplotё, qё këto votime tё kalojnë nё njё frymё qytetëruese, tё jenё ogur i mirё pёr tё ardhmen dhe mirëqenien e vazhdueshme tё shoqёrisё tonё dhe njё hap i sigurt drejt aspiratave tё kësaj shoqërie.

   Njёkohёsisht, lutem qё tё zgjedhurve vendorё me votёn e lirё e tё ndershme tё popullit, t’i jepet mbarësia dhe mëshira e madhe e Zotit, Krijues tё Gjithёsisё, pёr tё mirёn e qytetarёve shqiptarё, pёr sigurinë, pёr besimin, pёr mirëqenien dhe tё ardhmen e tyre.

   Mbarёsi!

Myftiu i Shkodrёs

Imam Ndriçim SULEJMANI