Dhe thuaj: "Veproni, All-llahu do ta shohë veprën tuaj, edhe i dërguari i Tij e besimtarët, e më vonë do të ktheheni te njohësi i të fshehtës dhe të dukshmes, e do t'ju njoftojë për atë që vepruat.

Mesazhi i myftiut të Shkodrës Imam Ndriçim Sulejmani

drejtuar qytetarëve shkodranë, për festën e Kurban Bajramit

Të nderuar besimtarë muslimanё

Tё nderuar qytetarë tё Shkodrës

Tё nderuar bashkombёsit e mi

Falënderoj All-llahun e Madhëruar, qё e bëri tё mundur ta mbёrrijmё kёtё ditё tё begatё tё Kurban Bajramit, ditës sё sakrificës njerëzore dhe tё përkushtimit ndaj Krijuesit Fuqiplotё, Zotit tё Vetëm e tё Pashoq.

Kurban bajrami, ёshtё njё ditё e madhnueshme pёr muslimanёt sepse nё kёtё ditё pёrkujtojmё nënshtrimin absolut tё babait tё profetëve, Ibrahimit a.s i cili me arsyetim tё plotё dhe me bindje tё pa lëkundur, nuk u tundua para tendencave materiale dhe intrigave tё shejtanit tё mallkuar, pёr tё refuzuar urdhrin hyjnor pёr tё bёrё kurban tё birin, Ismailin a.s.

Kjo na mëson dhe na udhëzon drejt njё përkushtimi edhe mё tё madh qё duhet tё ketë secili prej nesh  ndaj Zotit tё tij, i Cili e krijoi njeriun nga njё pikё uji, i dha mendjen me tё cilёn e veçoi nga krijesat e tjera, i dërgoi profetёt e Tij pёr ta udhëzuar, i shpalli librat hyjnorё pёr ta mësuar e pёr t’i patur si garanci udhëzimi nё rrugёn e gjatё tё jetёs.

Kjo ditё e madhёnueshme na tërheq vëmendjen drejt tubimit tё haxhilerëve, nё faltoren e parё tё ndërtuar mbi sipërfaqen e tokës, aty ku tё gjithё, tё veshur me rroba tё bardha, tё drejtuar nga njё pikё e vetme drejtimi, tё mëdhenj e tё vegjël, tё bardhё e tё zinj, tё pasur e tё varfër, dalin tё barabartë para adhurimit tё Zotit Fuqiplotё, duke dëshmuar para botёs Njësimin e Allahut, thelbin e adhurimit dhe tё përkushtimit.

Kjo ditë na mëson ndjenjën e sensibilizimit me njerëzit me nevojë, nëpërmjet mishit tё kurbaneve dhe ndihmave tё ndryshme materiale,duke vërtetuar botërisht dёshminё e Resulullahit a.s:

( O Zot, unё dëshmoj se Ti je All-llahu, nuk ka Zot pos Teje dhe se robёt e Tu janë vёllezёr) dhe vëllai ndaj vëllait ka obligime dhe detyra, qё mё shumё se asnjёherё tjetër dëshmohen nё këto ditё festash.

I lutem Allahut tё Madhёruar, qё kjo ditё tё afrojё zemrat e njerëzve me njeri-tjetrin, tё zbusë zemrat e drejtuesve dhe  politikanëve tanё, pёr tё mirёn e këtij vendi dhe kësaj shoqërie dhe t’i dhurojё atyre urtёsinё dhe  pjekurinё e duhur pёr mirёqёnjen dhe harmoninё e vendit dhe te kombit

Dhe nё mёnyrё  tё veçantё i uroj Kurban Bajramin, jetimёve dhe tё gjithё njerëzve qё pёr arsye gjakmarrje dhe hakmarrje janë tё ngujuar.

Pёr shumё vjet Kurban Bajramin

Duke i uruar Shqipёrisё dh shqiptarëve mbarësi dhe lumturi. I lutem tё Madhit Zot qё ky Bajram tё promovoj mbarёsinё dhe suksesin e vitit 2007 nё tё gjitha sferat e jetёs.

Amin

Myftiu i Shkodrёs

Imam Ndriçim Sulejmani

Shkodёr mё, 31.12.2006