Dhe thuaj: "Veproni, All-llahu do ta shohë veprën tuaj, edhe i dërguari i Tij e besimtarët, e më vonë do të ktheheni te njohësi i të fshehtës dhe të dukshmes, e do t'ju njoftojë për atë që vepruat.

Një muaj në fokus- mars, 2007

·        Me rastin e përgatitjes për përurimin e xhamisë së Parrucës, me datën 01. 03. 2007, ditën e xhuma, myftinia, Shkodër, ka nisur parapërgatitjet për ceremoninë e hapjes së xhamisë së re. Janë organizuar grupe të ndryshme pune, në përgatitje të ceremonisë së hapjes së kësaj xhamie pas 40 viteve, nga momenti i shkatërrimit të saj nga persekutimi komunist famëkeq.

·        Me datën 02. 03. 2007, ditën e xhuma, myftiu i Shkodrës, Imam Ndriçim Sulejmani ligjëroi nga minberi i xhamisë së Kirasit, ku bëri edhe prezantimin e emërimit zyrtar të imamit të ri të kësaj xhamie, teologut Dritan Rrahmani. Në këtë vizitë, myftiun e shoqëronte thirrësi islam Muhamed Sytari.

·        Me datën 05. 03. 2007, nën kujdesin e myftiut, Imam Ndriçim Sulejmani, filluan punimet për hapjen e themeleve të murit rrethues të xhamisë së Bahçallekut, në kuadrin e rikthimit të pronës së vakëfit të kësaj myftinie.

·        Me datën 07. 03. 2007, myftiu i Shkodrës, Imam Ndriçim Sulejmani, u drejtoi një mesazh mediatik urimi të gjithë mësuesve dhe nënave të qytetit tonë, me rastin e 7-8 marsit, si dy ditë të kthyera në traditë respekti dhe nderimi ndaj tyre.

·        Me datën 07. 03. 2007, myftiu i Shkodrës, Imam Ndriçim Sulejmani, mori pjesë në aktivitetin e organizuar nga medreseja “Haxhi Sheh Shamia”, dega e djemve, me rastin e ditës së mësuesit. Në përshëndetjen e tij, myftiu Sulejmani uroi mësuesit e kësaj shkolle dhe tërhoqi vëmendjen e tyre drejt angazhimit maksimal në edukimin e brezit të ri me frymën e besimit në Zotin dhe Njësinë e Tij. Njëkohësisht, tërhoqi vëmendjen e nxënësve për respektimin dhe nderimin e mësuesve të tyre, që janë edukatorë, sakrifikues për formimin e tyre.

·        Me datën 07. 03. 2007, myftinia, Shkodër në bashkëpunim me shoqatën bamirëse “HVK- Istanbul”organizoi një seminar me rastin e 7-8 marsit, në ambientet e medresesë së vajzave. Referueset, znj. Iris Maçi, znj. Aisa Kaduku dhe znj. Meseret Hako, trajtuan vendin e mësuesit dhe të prindit në Islam dhe rolin e tyre në edukimin e brezave.

·        Me datën 09. 03. 2007, ditën e xhuma, myftiu i Shkodrës, Imam Ndriçim Sulejmani ligjëroi nga minberi i xhamisë së Tepes, ku bëri edhe prezantimin e emërimit zyrtar të imamit të ri të kësaj xhamie, teologut Bashkim Bajraktari. Në këtë vizitë, myftiun e shoqëronte thirrësi islam Altin Nikshiqi.

·        Me datën 10. 03. 2007, myftiu Ndriçim Sulejmani mori pjesë në seminarin e organizuar nga Qendra Ndërfetare e Grave, Shkodër, me temë: “Dialogu dhe harmonia ndërfetare, për një të ardhme në paqe e barazi”, ku prezantonin edhe krerët e komuniteteve fetare të qytetit tonë. Në bisedën e tij, myftiu Sulejmani theksoi edhe një herë angazhimin e muslimanëve për të qenë një faktor i rëndësishëm dhe aktiv në forcimin e mëtejshëm dhe konsolidimin e bashkëjetesës ndërfetare.

·        Me datёn 15. 03. 2007, nё kuadër tё parapërgatitjeve pёr ceremoninë e përurimit tё xhamisё sё Parrucёs, u zhvillua mbledhja e këshillit tё imamëve tё myftinisё, Shkodёr. Nё fjalёn e rastit, myftiu, Imam Ndriçim Sulejmani, vuri theksin te domosdoshmëria e angazhimit maksimal tё tё gjithё imamëve pёr mbarëvajtjen e kësaj ceremonie dhe përkujdesjen e tyre pёr xhamitё respektive nё momentin e faljes sё xhumasё. Sikurse u komunikua ftesa pёr pёrfaqёsitё e xhemateve tё xhamive tё Qarkut Shkodёr, pёr tё marrё pjesё nё faljen e xhumasё nё sheshin e Parrucёs, ditёn e përurimit.

·        Me datën 22. 03. 2007, myftiu, Imam Ndriçim Sulejmani, priti në një vizitë kortezie, Kryetarin e Bashkësisë Islame të Maqedonisë, Sulejman ef. Rexhepin dhe delegacionin shoqërues të tij. Gjatë këtij takimi, myftiu Sulejmani i bëri një ekspoze të shkurtër mikut të tij, mbi ecurinë e deritanishme të kësaj myftinie. Nga ana e tij edhe kryetari Sulejman ef. Rexhepi, bëri një prezantim të gjendjes së institucionit që ai përfaqëson dhe e uroi myftiun Sulejmani për arritjet pozitive të myftinisë që ai drejton dhe i uroi suksese të mëtejshme në punën fisnike në shërbim të Thirrjes Islame.

·        Me datёn 23. 03. 2007, ditёn e xhuma u organizua ceremonia madhështore e përurimit tё xhamisё sё Parrucёs. Nё kёtё ceremoni, ku prezantonin me dhjetra mijëra besimtarё, morën pjesё edhe tё ftuar tё shumtё nga diaspora, si dhe pёrfaqёsues tё trupit diplomatik, qeverisjes vendore e asaj qendrore, komuniteteve fetare, deputetё, biznesmenё, imamё, teologё, etj.

·        Me datёn 29. 03. 2007, imami i xhamisё sё Parrucёs, teologu Alban Kali, lexoi përpara mediave vizive tё qytetit tё Shkodrёs, mesazhin e myftiut Imam Ndriçim Sulejmani, me rastin e ditëlindjes sё Profetit Muhammed (a.s), drejtuar besimtarёve muslimanё.

·        Me datёn 30. 03. 2007, myftiu Imam Ndriçim Sulejmani, me ftesё nga Lidhja Botёrore e Thirrjes Islame, nё Tripoli tё Libisё, udhëtoi drejt Libisё dhe Nigerit, pёr tё marrё pjesё nё ceremoninë madhështore kushtuar Lindjes sё Bekuar tё Profetit Muhammed (a.s), qё zhvillohet pёr çdo vit nga ky institucion ndёrkombёtar prestigjioz. (Informacion mё tё plotё nё lidhje me kёtё udhëtim tё myftiut Sulejmani, do tё keni mundësi tё lexoni nё numrin e ardhshёm tё gazetёs)