Dhe thuaj: "Veproni, All-llahu do ta shohë veprën tuaj, edhe i dërguari i Tij e besimtarët, e më vonë do të ktheheni te njohësi i të fshehtës dhe të dukshmes, e do t'ju njoftojë për atë që vepruat.

Prej porosive të të Dërguarit të Allahut, Muhamedit (a.s.)

1. Ebu Hurejrete (r.a.) transmeton se Pejgamberi (a.s.) ka thënë: ((Agjërimi nuk është vetëm prej ushqimit dhe pijes, por agjërimi është prej fjalëve të kota dhe të pahijshme; po qe se dikush të shan ose tregohet injorant ndaj teje atëherë thuaj: unë jam agjërueshëm, unë jam agjërueshëm)) (sahih).

2. Sehël ibn Sead (r.a.) transmeton se Pejgamberi (a.s.) ka thënë: ((Çdo derë prej dyerve të të mirave ka derën e vet prej dyerve të  xhenetit dhe dera e agjërimit quhet “Rejjan”. (hasen)

3. Ebu Hurejrete (r.a.) në një hadith kudsij, transmeton se Pejgamberi (a.s.) ka thënë: ((Zoti (xh.sh.) thotë: çdo punë e birit të Ademit është e tija, përveç agjërimit. Ai është i imi dhe Unë e shpërblej atë. Agjërimi është mburojë, prandaj gjatë ditës së agjërimit të ndonjërit prej jush, mos të flas fjalë të jo të hijshme dhe mos të bërtasë. Po qe se dikush të shan ose të godet le të thotë: unë jam njeri që agjëroj. Pasha Atë që shpirti i Muhamedit është në dorën e Tij, era e gojës së agjëruesit është më e mirë tek Allahu se sa era e miskut. Për agjëruesin ka dy gëzime: kur bën iftar gëzohet për iftarin e tij, dhe kur të takojë Zotin e tij gëzon për agjërimin e tij)) (sahih).

4. Hudhejfete (r.a.) transmeton se Pejgamberi (a.s.) ka thënë: ((Fatkeqësia (sprova) e njeriut në familje, pasuri, trup, fëmijë dhe komshinj e tij, të gjitha këto i pastron (shlyen): agjërimi, namazi, sadakaja dhe urdhri për mirë e ndalimi prej të këqijave)). (sahih)

5. Ibn Amër (r.a.) transmeton se Pejgmberi (a.s.) ka thënë: ((Agjërimi dhe Kur’ani ndërmjetësojnë për robin ditën e kiametit. Agjërimi thotë: o Zot, unë e kam  privuar nga ushqimi dhe epshet gjatë ditës, prandaj më lejo të ndërmjetësoj për të. Kur’ani thotë: Zoti im, e kam privuar nga gjumi natën, më lejo të ndërmjetësoj për të. Të dy ndërmjetësojnë)) (sahih).

6. Ebu Hurejrete (r.a.) transmeton se Pejgamberi (a.s.) ka thënë: ((Agjërimi është mburojë, derisa të mos e shkatërrojë gënjeshtra ose gibeti)) (sahih).

7. Ebu Malik el-Esh’arij transmeton se Pejgamberi (a.s.) ka thënë: ((Në xhennet ka dhoma të tejdukshme, që nga jashtë shikon brenda dhe nga brenda shikon jashtë, të cilat Allahu (xh.sh.) i ka përgatitur për ata që ushqejnë (të varfrit), janë fjalë butë, agjërojnë rregullisht dhe falen natën kur njerëzit janë në gjumë)) (sahih).

8. Ibn Amër (r.a.) transmeton se Pejgmberi (a.s.) ka thënë: ((Gjallëria e ummetit tim është në agjërim dhe namaz)) (hasen).

Përktheu nga arabishtja:

    Lavdrim HAMJA

                                                                           Thirrës islam