Dhe thuaj: "Veproni, All-llahu do ta shohë veprën tuaj, edhe i dërguari i Tij e besimtarët, e më vonë do të ktheheni te njohësi i të fshehtës dhe të dukshmes, e do t'ju njoftojë për atë që vepruat.

Përshtypjet e një udhëtimi në Gostivar të Maqedonisë

   Kaloi njё muaj e gjysёm nga përurimi i xhamisё së re në lagjen “Parrucё”, në qendër të Shkodrës. Një muaj e gjysëm nga ai eveniment historik pёr qytetin dhe mbarё Shqipёrinё, ku desh All-llahu i Madhëruar tё celebrohej me madhështi ashtu siç i takonte shtёpisё sё Tij. Nё mesin e shumё autoriteteve fetare tё viseve dhe trojeve shqiptare ishte dhe Hirësia e Tij Reisul-Ulema, Kryetari i Bashkësisё Islame nё Republikёn e Maqedonisё, H. Sulejman ef. Rexhepi, i cili u prit ngrohtë nga ata dhjetra mijëra besimtarë muslimanë të Shkodrёs me pёrshёndetjen e tij të ngrohtë.  

   Gjatё vizitës sё tij, H. Sulejman ef. Rexhepi shprehu kёnaqёsinё e tij për pjesëmarrjen e tij nё kёtё eveniment dhe e vlerësoi atё si historik. Para se tё largohej nga Shkodra ai premtoi se në njё kohё tё shkurtër do tё kishte mirёsinё tё ftonte Myftiun e Shkodrёs nё njё përurim xhamie, qё do tё përgatitej pёr t’u mbajtur nё Gostivar tё Republikёs sё Maqedonisё. Nuk zgjati shumё dhe ftesa zyrtare që iu bë myftiut të Shkodrës Imam Ndriçim Sulejmani për të marrë pjesë në këtë eveniment të rëndësishëm për myslimanët shqiptarë në Maqedoni, erdhi ngrohtësisht.

   Në delegacionin që shoqëronte myftiun e Shkodrës, bënin pjesë edhe imami i xhamisë “Ebu Bekër”, teologu Ylli Buraniqi, imami i xhamisë së Parrucës, teologu Alban Kali dhe imami i xhamisë së Tophanës, z. Ilir Dizdari, të cilët e pritën me shumë gëzim ftesën për të qenë në shoqërimin e myftiut.

   Pas mbërritjes nё Gostivar interesimi pёr delegacionin nga Shkodra ishte shumё i madh. Myftiu Ndriçim Sulejmani, i cili nё kёtё udhëtim pёrfaqёsonte jo vetëm Shkodrёn, por edhe Komunitetin Musliman tё Shqipёrisё, u prit nё zyrën e myftinisё sё Gostivarit nga Myftiu i saj Shaqir ef. Fetahu, i cili u uroi mirëseardhjen miqve nga Shqipёria.

   Atmosfera e përurimit filloi tё ndihej teksa delegacioni vizitoi nga afёr përgatitjet e fundit për fillimin e ceremonisë madhështore.

   Tё nesërmen, më datёn 13 maj, në mesin e çallmave dhe nёn këndimin e ajeteve kur’anore rreth orës 12 tё mesditës u çel xhamia madhështore e “Kadrit”, e zbukuruar me dekore orientale, me mihrabin dhe minberin, me llampadarin gjigant, me tre katet  e saj, në formën e tre ballkoneve, etj.

   Pёrshёndetёn nё kёtё ceremoni Reisul-Ulema, Kryetari i BIM, H. Sulejman ef.Rexhepi, i cili falënderoi delegacionet dhe autoritetet e shumta, që ndanё gёzimin e kësaj dite dhe iu pёrgjigjёn ftesës së organizatorëve. Falënderim tё veçantё Reisul-Ulemaja bёri nё adresё tё delegacionit tё ardhur nga Shqipёria, n/kryetarit tё parlamentit dhe ministrit të Arsimit tё Maqedonisё, tё cilёt pёrzemёrsisht pёrshёndetёn ndërtimin e xhamisё së re të Gostivarit. 

   Delegacioni shqiptar pёrfaqёsuar nga myftiu i shkodrёs Imam Ndriçim Sulejmani, pёrshёndeti nё emёr tё KMSH- së dhe të myftinisё, Shkodёr.

                                               Pёrshёndetja e myftiut tё Shkodrёs

Imam Ndriçim SULEJMANI  nё inaugurimin e xhamisё sё “Kadrit”, Gostivar

   I nderuar Kryetar i Bashkёsisё Islame tё Republikёs sё Maqedonisё, H. Sulejman ef. Rexhepi!

 Tё nderuar autoritete fetare dhe diplomatike!

   Tё dashur vёllezёr dhe motra, shqiptarë tё Republikës sё Maqedonisё!

   Mё lejoni qё nё emёr  tё Komunitetit Musliman Shqiptar, Hirёsisё sё tij H. Selim Muça dhe Myftinisё sё Shkodrёs t’u përcjell urimet më të sinqerta pёr përurimin e xhamisё së re tё “Kadrit”.

   Ju pёrshёndesim nga Shqipёria dhe nё veçanti nga populli besimtar mysliman i Shkodrёs, nё kёtё ditё tё begatё tё përurimit tё xhamisё sё “ Kadrit”.

Eshtё kёnaqёsi qё sot ne vijmë nga Shkodra pёr tё ndarё kёnaqёsinё e pёrurimit tё xhamisё këtu ne Gostivar. 

   Si vёllezёr shqiptarё tё njё gjaku, ndihemi të nderuar e të vlerësuar qё ndodhemi sot kёtu nё mesin tuaj, për të promovuar dimensionet dhe vlerat kulturore islame te manifestuara nё kёtё kult fetar.

   Vijmё nga Shkodra nё Gostivar brenda njё harku kohor tё shkurtër, prej atmosferës sё  pёrurimit tё xhamisё sё “Parrucёs” nёn hijen e flamurit shqiptar, nё atё tё përurimit tё xhamisё sё “Kadrit”. Ndёrkohё qё nё Shkodёr vazhdon përjetimi i atij çasti tё madh, gjendemi tani nё njё tjetër peligrinazh tё madh kёtu, nё Gostivarin e traditës pёr tё promovuar hijeshinë dhe pёr tё marrё kёnaqёsinё e njё tjetër pishtari ndriçues dhe reflektues tё vlerave kulturore arkitektonike islame, kombëtare dhe universale tё kësaj faltoreje.

  Kjo xhami merr vlera te veçanta atëherë kur mësojmë se ndërtimi i saj vjen si rrjedhojё e kontributit te çmuar të shqiptarёve mysliman autokton të Republikës së Maqedonisë nёn përkujdesjen e Reis Ulemasё Sulejman ef. Rexhepi. Ky investimi i tyre ёshtё pёr tё dy jetët , janë investime tё cilat mbajnë tё hapur arkën e punёve dhe veprave tё mira pёrjetёsisht. Vende tё tilla tё edukimit shpirtëror trojet shqiptare i kanё patur traditё, i kanё kultivuar ndër shekuj dhe kanё ditur t’i çmojnë vlera.

   Pёrkujdesi  ndaj kulteve fetare tё islamit ёshtё obligim moral i çdo individi i cili me trup e me shpirt e don dhe e respekton fenë e Allahut tё Madhëruar. Kёto janë shtёpitё nё tё cilat Allahu i Madhëruar lejoi tё përmendet dhe tё lartësohet emri i Tij, prandaj si objekte qё pёrherё reflektojnë vlera njerëzore dhe vendit në tё cilin ajo ngrihen,  ёshtё njё obligim shumё herё mё i madh qё pёrkujdesi dhe vëmendja e institucioneve islame të përqendrohet nё to.

   Edhe nje herё i uroj mbarёsi kësaj xhamie tё re, uroj besimtarёt e kësaj me nё krye Reis Ulemanë që ta gëzojnë xhaminë, qoftë përherë burim vlerash ashtu siç edhe e ka emrin xhamia e Kadrit.

  Më pas, Kryetari i BIM H. Sulejman ef. Rexhepi në prezencë të gjithë të pranishëmve falënderoi kontribuuesit për bamirësinë e tyre të çmuar në shërbim të komunitetit e institucioneve islame.

   Në pasditen e po kësaj dite, myftiu i Gostivarit, Shaqir ef. Fetahu rezervoi për delegacionin shqiptar një takim në zonën e Gradecit, ku në mënyrë të përjavshme organizohej një takim i ngrohtë me rininë islame. Biseda dhe këshillat e atij takimi transmetoheshin edhe nëpërmjet lidhjeve direkt me internet të shumë myslimanëve shqiptarë jashtë trojeve shqiptare. Këtu ai ftoi myftiun e Shkodrës të mbante vasin e radhës, të cilit i parapriu këndimi i disa ajeteve kur’nore nga imami i xhamisë Parrucë, Alban Kali. Fjalimi i myftiut Sulejmani, u përqendrua te këshillimi i rinisë islame dhe domosdoshmëria e aktivizimit të tyre në rrugën e thirrjes islame duke mbajtur mbi supe përgjegjësitë e kësaj feje. 

   Pas kthimit nga Gostivari, imamët shprehën konsideratat dhe përshtypjet e tyre për pjesëmarrjen në këtë aktivitet që afroi zemrat dhe forcoi lidhjet institucionale e vëllazërore.

Shkodër, më 15. 05. 2007