Dhe thuaj: "Veproni, All-llahu do ta shohë veprën tuaj, edhe i dërguari i Tij e besimtarët, e më vonë do të ktheheni te njohësi i të fshehtës dhe të dukshmes, e do t'ju njoftojë për atë që vepruat.

“Ne jemi ato që u kemi dhënë votën këtyre pushtetarëve!”

((Pa të meta është Lartëmadhëria e Atij që robin e Vet e kaloi në një pjesë të natës prej Mesxhidi Haramit (prej Qabes) gjer në Mesxhidi Aksa (Bejti Mukaddes), rrethinën e të cilës Ne e kemi bekuar, (ia bëmë këtë udhëtim) për t'ia treguar atij disa nga argumentet Tona. Vërtet, Ai është dëgjuesi (i fjalëve të Muhamedit), pamësi (i punëve të Muhammedit)). (Isra: 1)

 Hytbeja e Xhumasë, 10/08/2007, xhamia Parrucës:

“Ne jemi ato që kemi dhënë votën këtyre pushtetarëve, por me qëllimin e vetëm për tu lartësuar shpirtërisht, për ti dhënë të drejta këtij populli dhe jo për ti dërmuar ato me vendime të ndryshme dhe arbitrarizma për sa i përket drejtimit të pushteteve.”

 Myftiu i Shkodrës, Imam Ndriçim Sulejmani, gjatë hytbes së xhuma, në prani të shumë besimtarëve, duke folur për mrekullinë e Israsë dhe Miraxhit, ngjarjen dhe mësimet e kësaj nate të madhe, ka theksuar madje me tone të ashpra, se myslimanët zgjedhin përfaqësuesit e tyre për të mirën e popullit, për drejtësi, ndershmëri, sinqeritet, ekuilibra, përkushtim dhe jo për padrejtësi, intolerancë dhe mashtrim.

“Ne jemi ato që kemi dhënë votën këtyre pushtetarëve, por me qëllimin e vetëm për tu lartësuar shpirtërisht, për ti dhënë të drejta këtij populli. Të mos mundohen të prekin ku njerëzve ju dhëmb më shumë, në drejtimin e tyre dhe ku janë më të sprovuar. Kjo natë i fton të gjithë ato pushtetarë, të gjithë ato drejtues, të cilët janë në postet drejtuese që të mbajnë ekuilibër. Ekuilibri është shpirti i fesë sonë.”

Komente:

http://www.infoshkodra.com/index.php?option=com_content&task=view&id=4039&Itemid=2

www.kohajone.com/