Dhe thuaj: "Veproni, All-llahu do ta shohë veprën tuaj, edhe i dërguari i Tij e besimtarët, e më vonë do të ktheheni te njohësi i të fshehtës dhe të dukshmes, e do t'ju njoftojë për atë që vepruat.

Njё muaj nё Fokus, korrik 2007

Me datë 10 Korrik 2007, Myftiu i Shkodrës, Imam Ndriçim Sulejmani së bashku me stafin e Myftinisë bënë disa inspektime toka vakëf në pjesët më të vjetra te qytetit dhe, pikërisht në xhaminë e ish-teqes së pazarit, ku u dha mundësia të shihej nga afër ajo çfarë kishte mbetur nga trualli i kësaj xhamie dhe për ta rikthyer edhe njëherë në identitet këtë xhami te hershme te qytetit te Shkodrës.

Po me dt 10 Korrik investigimi i pronave dhe tokave te vakëfit  vijoi edhe ne zonën e ajazmës, pikërisht në truallin e ish xhamisë së tabakëve. Nga  afër u vu re ajo çfarë kishte mbetur nga kjo xhami. Minarja me disa këmbë shkalle. Me këtë rast u bënë një analize e përgjithshme mbi rrethimin e kësaj prone dhe mbrojtjen e saj nga devijimet e shumta te kufijve te saj.

   Me dt 13 Korrik 2007 Myftiu i Shkodrës, Imam Ndriçim Sulejmani priti ne zyrën e Myftinisë, në një takim te ngrohtë, drejtorin e fondacionit te Kuranit me qendër në Tirane z. Hossein Essa’di. Gjatë takimit myftiu, pasi i uroi drejtorit të fondacionit mirëseardhjen, e prezantoi me punën e Myftinisë së Shkodrës dhe mbi projekte të përbashkëta me fondacionin që ai përfaqëson në linjën institucionale. Myftiu vlerësoi kontributin e veçantë që ky fondacion po jep në Shqipëri për edukimin e brezave të ri me frymën e pastër të Kur’anit, në organizimin e takimeve të ndryshme, të cilat përmbushin qëllimin e përbashkët, atë të unitetit, frymës vëllazërore në shërbim të përgjigjes së mesazheve hyjnore. Nga ana e tij z. Essa’di  falënderoj për mikpritjen dhe ofroi dorën e bashkëpunimit të ndërsjellë në përpjekje te edukimit të brezave me frymën e shenjte te Kur’anit. Njëkohësisht ai shfaqi dëshirën e bashkëpunimit real me qytetin më të madh verior në aspektin fetar dhe rritjen cilësore të aktiviteteve islame.

Me datë 22 korrik 2007, myftiu i Shkodrës Imam Ndriçim SULEJMANI nëpërmjet një shkrese zyrtare i dërgoi presidentit  të ri të Republikës së Shqipërisë Z. Bamir TOPI një telegram urimi me rastin e zgjedhjes së tij në postin më të lartë të shtetit shqiptar, duke  i uruar    mbarësi në këtë detyrë fisnike në shërbim të popullit dhe kombit shqiptar.

Dr. Zeki Rahimi, drejtor i përgjithshëm i Fondacionit “Dallah Al-Baraka Group- Iqraa for Human Relations”, me qendër në Xheda të Mbretërisë Arabise Saudite, shoqëruar edhe nga supervizori i projekteve speciale, z. Ahmed Ibrahim Mahxhub, ka vizituar qytetin e Shkodrës.  Me këtë rast myftiu Imam Ndriçim Sulejmani bëri një pritje ne zyrën e Myftinisë. Pasi i uroi mirëseardhjen në qytetin e besimit dhe kulturës islame, miqve të shtrenjtë nga M. A. Saudite, biseda e tyre u përqendrua te çështjet e pronave dhe të vakëfeve islame, mënyrave të shfrytëzimit dhe përfitimit nga burimet e tyre në shërbim të Islamit dhe myslimanëve. Ai kërkoi mbështetjen e fondacionit ne projekte konkrete me investime në këto prona. Krahas bisedës mbi pronat u trajtuan dhe shume probleme të tjera për të cilat u premtua mbështetje.