Dhe thuaj: "Veproni, All-llahu do ta shohë veprën tuaj, edhe i dërguari i Tij e besimtarët, e më vonë do të ktheheni te njohësi i të fshehtës dhe të dukshmes, e do t'ju njoftojë për atë që vepruat.

Një muaj në fokus- janar, 2007

·        Me datën 11. 01. 2007, Imam Ndriçim Sulejmani, Myfti i Shkodrës, nisi turin e vizitave, nëpër xhamiat e rrethit, me qëllim prekjen nga afër të realitetit dhe problematikave të ndryshme të tyre.

·        Me datën 11. 01. 2007, Myftiu N. Sulejmani, u ndal në xhaminë e Plumbit, ku në pritjen e organizuar me rastrin e vizitës së tij, imami i kësaj xhamie, z. Mit’hat Myftia theksoi nevojën që ka kjo xhami për rregullimin e infrastrukturës së saj, e cila, ndonëse kanë kaluar shumë vite, ka mbetur në gjendje të mjeruar.

   Myftiu Sulejmani, u njoh në terren ehe me sipërfaqen reale të pronës së kësaj xhamie dhe u angazhua për të investuar maksimalisht për kthimin e saj në identitet.

·        Me datën 11. 01. 2007, Myftiu i Shkodrës, Imam Ndriçim Sulejmani, vazhdoi turin e vizitave të tij në xhaminë e Bahçallekut. Pas faljes së namazit të iqindisë, imami i kësaj xhamie, z. Ademir Xama, i uroi mirëseardhjen Myftiut me shoqërues dhe e falënderoi atë për këtë nismë të rëndësishme, që ka për qëllim edhe njohjen nga afër me pronat e Myftinisë, Shkodër. Në fjalën e tij, Myftiu Sulejmani, u dha sihariq të pranishëmve të shumtë, se brenda pak ditëve do të fillojë rrethimi i plotë i krejt pronës së kësaj xhamie dhe se administrata e Myftinisë, Shkodër, po punon me përkushtim për imazhin e duhur të të këtij objekti të rëndësishëm fetar, islam, në hyrje të qytetit.

·        Me datën 11. 01. 2007, gjatë një ndalese në xhaminë e fshatit Oblikë, Imam Ndriçim Sulejmani, u takua me hoxhallarët e brezit të vjetër, të kësaj zone, H. Musa Hoxha dhe H. Ali Hysi, me të cilët zhvilloi një bisedë shumë të përzemërt. Myftiu, vlerësoi kontributin e madh të këtyre dy hoxhallarëve të nderuar, ish-nxënës të devotshëm të pleiadës së dijetarëve të shqaur të Shkodrës.

·        Me datën 13. 01. 2007, Myftiu, I. Ndriçim Sulejmani, priti në një takim të ngrohtë, Drejtorin e Përgjithshëm të Fondacionit “Islamic Relief”, për Shqipërinë, z. Muhammed el- Waei dhe stafin e këtij Fondacioni në Shkodër.

   Gjatë këtij takimi, Myftiu Sulejmani, vlerësoi angazhimet serioze të “Islamic Relief”, në Medresenë e djemve, në Qendrën e Trajnimit Profesional “Daut Boriçi”, në rregullimin e infrastrukturës së shumë prej zonave rurale të rrethit Shkodër, etj.

   Nga ana e tij, z. El- Waei e falënderoi Myftiun Ndriçim Sulejmani për pritjen e ngrohtë dhe e garantoi atë për bashkëpunim të mëtejshëm në mes istitucionit që ai përfaqëson dhe Myftinisë, Shkodër.

   Kujtojmë, se Fondacioni “Islamic Relief”, është dekoruar me titullin: “Qytetar Nderi i Shkodrës”, në dhjetor të vitit 2006.

·        Me datën 16. 01. 2007, Myftiu i Shkodrës, Imam Ndriçim Sulejmani, bëri një vizitë zyrtare në Ambasadën e Arabisë Saudite, në Tiranë.

·        Me datën 20. 01. 2007, në ambientet e Restorant “AGIM HYSA”, Myftinia, Shkodër, organizoi një aktivitet shkencor me ratin e përkujtimit të hixhretit të Profetit Muhammed (a.s). “Viti i Ri Hixhri 1428”, ishte tema rreth së cilës referuan teologët Altin Loshi dhe Admir Temja. Aktivitetin e përshëndeti edhe Prefekti i Qarkut Shkodër, z. Xhovalin Kolombi, përfaqësues të dy Komuniteteve fetare në Shkodër, etj.

·        Me datën 22. 01. 2007, Myftiu Ndriçim Sulejmani, i shoqëruar edhe nga pjesëtarë të stafit të Myftinisë, Shkodër, vazhdoi turin e vizitave në xhaminë e Kirasit, ku e prisnin imami i kësaj xhamie, z. Dritan Rrahmani  dhe dhjetra besimtarë, të cilët i uruan mirëseardhjen në xhaminë e tyre. Myftiu, pasi bëri një rezyme të shkurtër të angazhimeve të tij të deritanishme në krye të Myftinisë, Shkodër, paraqiti para besimtarëve të kësaj xhamie, planet e tij për përfitimin material nga pronat vakëf të kësaj xhamie, në të mirë të Komunitetit dhe vetë xhamisë së Kirasit.

·        Me datën 22. 01. 2007, Myftiu Ndriçim Sulejmani, vazhdoi me vizitat e tij, në xhaminë e Rusit, ku pritej nga imami dhe vaizi i saj, H. Fejzi Zaganjori dhe besimtarët e shumtë të pranishëm në këtë takim. H. Fejzi Zaganjori, bëri një rezume mbi kontributin e besimtarëve në mirëmbajtjen e xhamisë së Rusit dhe i falenderoi ata.

   Nga ana e tij, Myftiu vuri theksin mbi domosdoshmërinë e lirimit të tokave vakuf të ozurpuara padrejtësisht, sidomos territoret e xhamiave të ndryshme në qytetin tonë. Ai u angazhua se do të ndjekë nga afër të gjitha shkeljet në dëm të vakufeve islame, siç është edhe rasti i xhamisë së Rusit.

·        Me datën 22. 01. 2007, Myftiu Ndriçim Sulejmani, vazhdoi me vizitat e tij, në xhaminë e Perashit, ku pas faljes së akshamit, imami i kësaj xhamie, z. Edvin Çela shprehu kënaqësinë e tij dhe të besimtarëve të shumtë të pranishëm, për këtë vizitë të Myftiut Ndriçim Sulejmani.

   Edhe në këtë takim me besimtarët, Myftiu shprehu angazhimin e tij për më të mirën e xhamive dhe besimtarëve të Qarkut Shkodër. Ai dëgjoi me vëmendje edhe bisedat e besimtarëve për problematika të ndryshme të xhamisë.

   Edhe në këtë takim, Myftiu Sulejmani shoqërohej nga pjesëtarë të administratës së tij.

·        Me datën 27. 01. 2007, u zhvillua mbledhja e Këshillit të Teologëve, mbi ecurinë e deritanishme të gazetës së Myftinisë, Shkodër. Të pranishmit, dëgjuan një raport të përgjithshëm mbi ecurinë e gazetës “Udha Islame”, nga numri i parë e deri në të 52- in, nga kryeredaktori i saj Arben Halluni. Për ecurinë dhe përsosmërinë e daljes së gazetës “Udha Islame”, dhanë mendimet e tyre edhe teologët, A. Tagani, M. Sytari, L. Hamja, I. Plaku, A. Hoxha dhe A. Elezi.

   Konkluzionet e takimit i bëri Myftiu, I. Ndriçim Sulejmani.

"O ti Pejgamber, Ne të dërguam ty dëshmues, lajmëtar përgëzues e qortues. Dhe me urdhërin e All-llahut, thirrës për në rrugën e Tij dhe pishtarë ndriçues. E besimtarëve jepu sihariq se prej All-llahut ata kanë dhunti të madhe". 

(Ahzab: 45-47)