Dhe thuaj: "Veproni, All-llahu do ta shohë veprën tuaj, edhe i dërguari i Tij e besimtarët, e më vonë do të ktheheni te njohësi i të fshehtës dhe të dukshmes, e do t'ju njoftojë për atë që vepruat.

Një muaj në fokus- dhjetor, 2006

·        Me datën 16. 12. 2006, u zhvillua mbledhja e parë e Imamëve të qytetit, me Myftiun e ri Imam Ndriçim Sulejmani. Në këtë takim Myftiu i Shkodrës paraqiti para Imamëve strategjinë e tij në lidhje me përmirësimin e punës dhe aktivitetit në xhamiat e rrethit. Në këtë mbledhje u bë edhe ndarja e xhamiave në pesë zona kryesore dhe u caktuan Imamët përgjegjës për zonat përkatëse.

·        Me datë 16. 12. 2006, u bë takimi i parë i teologëve të Shkodrës, nën drejtimin e Myftiut të ri. Në këtë takim të ngrohtë e të përzemërt, Myftiu Sulejmani theksoi se qëllimi i këtij tubimi është thjesht një takim miqësor e prezantues. Morën pjesë të gjithë teologët shkodranë të diplomuar në Universitetet më të njohura të botës islame, si në Siri, Liban, Arabi Saudite, Libi e Turqi.

·        Me datën 16. 12. 2006, në Teatrin “Migjen”, u zhvillua ceremonia e dhënies së titullit “Qytetar Nderi” i Shkodrës, pas vdekjes, Hafiz Ymer Bakallit. Në këtë aktivitet të zhvilluar nga familjarët e të ndjerit referoi edhe Myftiu i Shkodrës, Imam Ndriçim Sulejmani. Në kumtesën e tij: “Hafiz Ymer Bakalli, Imam e Vaiz në xhamitë e qytetit”, ai përmendi disa nga vlerat dhe kontributet e vyera të këtij Hoxhe të ditur, në shërbim të xhamive dhe xhemateve të qytetit të Shkodrës.

·        Me datën 17. 12. 2006, Myftiu i Shkodrës, Imam Ndriçim Sulejmani, bëri një vizitë në xhaminë e Tophanës, ku pas faljes së namazit të mesditës, shoqëruar edhe nga disa antarë të Këshillit të xhamisë, bëri një vështrim mbi gjendjen e kësaj faltoreje me traditë të vjetër, u bisedua për fillimin e rikonstruksionit të pjesës së vjetër të xhamisë, për t’i dhënë një funksion të duhur dhe shfrytëzimin e oborrit të pasëm të saj për nevojat e xhamisë.

·        Me datën 20. 12. 2006, me ftesë nga KMSh, Myftiu i Shkodrës, mori pjesë në ceremoninë e zhvilluar në qytetin e Krujës, për akordimin e titullit “Qytetar Nderi” i Krujës, pas vdekjes, ish-Myftiut të këtij qyteti, z. Adem Topçiu. Gjatë këtij aktiviteti, Myftiu Sulejmani shoqërohej nga H. Faik Hoxha dhe thirrësi islam Muhamed Sytari.

   Vlen të përmendet se gjatë këtij aktiviteti, Myftiu i Shkodrës zhvilloi një takim të shkurtër edhe me Kryetarin e KMSh, H. Selim Muça, ku u bisedua për mënyrat efikase që do të ndjekë Myftinia Shkodër për shfrytëzimin e disa vakëfev të rëndësishme, në pronësi të saj, sikurse u bisedua edhe për caktimin e datës së inaugurimit të Xhamisë së Parrucës.

   Një takim të ngrohtë e miqësor, Myftiu Sulejmani e zhvilloi edhe me disa prej teologëve të kryeqytetit, si me z. Ahmed Kalaja, me z. Bilal Teqja, me z. Ermir Gjinishi, si dhe me disa prej myftilerëve të Shqipërisë si me Myftiun e Tiranës, të Kavajës, të Përmetit, të Lezhës, etj.

·        Me datën 23. 12. 2006, në ambientet e Bar-Restorant “AGIM HYSA”, u zhvillua aktiviteti i promovimit të monografisë së autorit Muhamed Sytari, “Hafiz Qamil Tresi- Në gjurmët e një biblioteke që sfidon heshtjen e kohës... ”. Në këtë aktivitet referoi edhe Myftiu Ndriçim Sulejmani, mbi vlerat teologjike të këtij libri, ku u ndal te vlera e ixhazetit dhe rëndësia e përkthimit të tij për të parën herë në gjuhën shqipe. Ai falenderoi autorin për angazhimin e tij dhe nxori konkluzione interesante në lidhje me monografinë e tij.

·        Me datën 25. 12. 2006, Myftiu i Shkodrës, Imam Ndriçim Sulejmani, shoqëruar edhe nga H. Fejzi Zaganjori, thirrësi islam Muhamed Sytari dhe teologu Arben Halluni, bëri vizitat tradicionale me rastin e Krishtlindjes. Në Kishën Orthodhokse të Shkodrës, Myftiu dhe shoqëruesit e tij, u pritën nga At Nikolla Petani, me të cilin u zhvillua një bisedë e ngrohtë dhe tepër miqësore, ku pas urimeve dhe përshëndetjeve për festën, Myftiu theksoi se bashkëjetesa ndërfetare është një domosdoshmëri për shoqëritë njerëzore, aq më tepër për bijtë e feve ibrahimite që kanë një burim të përbashkët.

   Në Arqipeshkvinë e Shkodrës, Myftiu, uroi besimtarët katolikë për festën e tyre duke theksuar se ditë të tilla shërbejnë për të afruar bijtë e dy feve me njëri-tjetrin dhe njëkohësisht bëhen shkak për të shtuar dashmirësinë dhe mirëkuptimin në mes tyre. Nga ana e tij Arqipeshkvi Metropolitan i Shkodrës, mons. Angjelo Massafra, i uroi mirëseardhjen Myftiut dhe shoqëruesve të tij dhe njëkohësisht e uroi atë edhe për detyrën e re.

·        Me datën 27. 12. 2006, në Teatrin “Migjen”, u zhvillua një aktivitet me rastin e 15- vjetorit të hapjes së Medresesë “Haxhi Sheh Shamia”, ku mori pjesë edhe Kryetari i KMSh- së, H. Selim Muça. I pranishëm në këtë aktivitet ishte edhe Myftiu i Shkodrës, Imam Ndriçim Sulejmani.

·        Me datë 30. 12. 2006, Myftiu i Shkodrës, Imam Ndriçim Sulejmani, i drejtoi besimtarëve muslimanë dhe qytetarëve shkodranë një mesazh urimi me rastin e Kurban Bajramit, nëpërmjet mediave vizive lokale. Në mesazhin e tij, ai përmendi vlerat dhe mesazhet e rëndësishme të kësaj Feste të shënuar dhe drejtoi lutjet e tij të sinqerta për mbarësinë dhe mirëqenien e popullit shqiptar.

·        Me datën 31. 12. 2006, në të gjitha xhamiat e qytetit të Shkodrës u bë falja e namazit të Kurban Bajramit. Në xhaminë qendrore, “Ebu Bekr”, dersi u mbajt nga H. Faik Hoxha ndërsa hytbeja e Kurban Bajramit u ligjërua nga Imam Ndriçim Sulejmani, Myfti i Shkodrës.

   E veçantë e këtij Bajrami ishte edhe vizita që i bëri Myftiu Sulejmani xhematit të xhamisë së Kirasit, menjëherë pas përfundimit të ceremonisë së Kurban Bajramit. I shoqëruar edhe nga pjesëtarë të stafit të myftinisë dhe prijës të ndryshëm fetarë të qytetit, ai bëri një vizitë shumë të ngrohtë në xhaminë e parë të ndërtuar në Shkodër, pas viteve ’90. Në xhaminë e Kirasit, Myftiun, e prisnin Imami i xhamisë sëbashku me dhjetra besimtarë, që ishin mbledhur për ta uruar me rastin e kësaj feste të madhe.

   Vizita e Myftiut në xhaminë e Kirasit vijoi me vizita të tjera, në shtëpi të besimtarëve të ndryshëm. Një vizitë e veçantë ishte edhe ajo e bërë në fshatin Zogaj, në shtëpinë e ish-muezinit të xhamisë së këtij fshati, i cili u nda nga jeta para pak ditësh.

·        Autoritete të shumta fetare, politike, diplomatike, akademike, intelektuale e qytetare, drejtues të biznesit e të medias vizive e të shkruar, etj., morën pjesë në pritjen tradicionale me rastin e Kurban Bajramit, organizuar nga  Myftinia, Shkodër, në sallën e Hotel “Rozafa”, ditën e diel, më 31. 12. 2006.

   Të ftuarit u pritën nga Myftiu i Shkodrës, Imam Ndriçim Sulejmani dhe autoritete të ndryshme islame të qytetit.

   E veçanta e pritjes tradicionale të organizuar këtë vit nga Myftinia, Shkodër, me rastin e kësaj feste të madhe, ishte ndryshimi i vendit të pritjes dhe rikonceptimi i krejt aktivitetit